Pfui Deifi is des Leben schee
Pfui Deifi
is des Leben schee!
SCHREIN WIE A TIGER
Bin in mei Fleisch neigschberrt
Muskln ogschbannt schmerzverzerrt
Tiaf im Hirn kocht d’Wuad
Hölle brennt im Bluad
I mächt raus aus meim Verstand
Brich in mir an a Felsnwand
I mächt schrein wie a Tiger schrein
I friß in mi nei
Jetzt zreißts mi nacha glei
I friß wie a Stier – Hoaßhunga schreit in mir D’Bauchspeichldrüsn zuckt und schlogd
Weil s’ so vui Freßn ned vadrogd
I mächt schrein wie a Tiger schrein
I stroaf durch Straß und Gass
Mei Fleisch is hoaß und blass
Wia i des Weibads siehg
Mei Bluad treibt fürchtalich
I frog s’: Wia wars denn mit uns zwoa
Sie sogd: Hau ob Du Wichsa loß mi alloa
I mächt schrein wie a Tiger schrein
Hey Tiger hau endlich ob vom Zoo
Hey Tiger wos mächsd denn eigentlich no
WURSTSALAT
Drauß is stockdunkl i sitz im Auto drin
Wieder a so a Nacht wo i ned schlafa ko
Fahr einfach nur zua woaß ned wohin
An Wurstsalat denk i ma des waars jetza oder so
Hoid beim nächstbesten Haus o
Kleb auf da Klingel
Macht mar a Weiberts auf im Negligé – huh
Wos mächtn na Sie do? frogts mi bei da Finstern
An Wurstsalat! sog i, mei des waar schee
Mach mar an Wurstsalat, gimme a Coca-Cola
a Mousse au chocolat, gimme a Kiss
Tschugga-Baby sog i, mach ma La Ola
Loß ma d’Sau raus, spui ma Paradies
Sie nimmt mi bei da Hand, ziagd mi in Hausgang eine
Hey man sogd s’ heit Nacht do griagsd du ois
Inzwischen war no a endgeile Braut aufglaufa
Pudlnackert a Leoparden-Stola um an Hois
Schloaft mi mit sanfter Gewalt über d’Hausgangfliesen
in einen hohen weiten dunklen Saal
Mir san de lüsternen Schwestern hör i ’s no flüstern
Tiger Willi wir bitten zur Damenwahl
Mach mar an Wurstsalat, gimme a Coca-Cola
a Mousse au chocolat, gimme a Kiss
Tschugga-Baby sog i, mach ma La Ola
Loß ma d’Sau raus, spui ma Paradies
cha cha cha
I SITZ AUF D’NACHT
(alloa in meim Zimmer)
Unter mir an Stock tiefer wohnt a ältere Dame
dann und wann triff i s’ im Treppenhaus
Diese Einsamkeit sogt sie mir dann immer
diese Einsamkeit – i hoids boid nimmer aus.
Da Herrgott wos hat er sich bloß dabei gedacht
wiar a d’Welt erschaffen hat
Ma glaubts ned sogd s’ schaugt mi verzweifelt o
Wos a Mensch ois aushalten muaß
Und wos er ois aushalten ko
Und i sitz auf d’Nacht alloa in meim Zimmer
und i schau ins Fernsehn nei
mach ma an Kaffee grod aso wia immer
D’Welt ziagt in farbige Buidl vorbei
Im Mai aufr a buntn Blumawiesn
grünt a großer oider Lindenbaum
In seinem Schatten küssen sich zwei junge Menschen
Ein kühler Wind bewegt die zarten Blätter kaum.
An da Straß vorn auf der Bank beim Apfebaumerl
Do sitzn im Sonntagsgwand a oida Mo mit seiner Frau
Sie starren ins Leere hoidn anander ganz fest bei da Hand
Und i sitz auf d’Nacht alloa in meim Zimmer
Der Uhrzeiger draht sie wia konns grod anders sei
Auf de Foto von früher bin i jünger
Ansonsten bin i no der Oide des buid i mir ei
Vorbei is längst nicht vorbei